Kosova do të përfaqësohet nga 26 sportistë në Lojërat Mesdhetare

14:57 | 29 Gusht 2023
Orgesa Haziri

26 sportistë nga pesë sporteve të ndryshme, do të përfaqësojnë Kosovën në edicionin e tretë të Lojërave Mesdhetare në Rërë Heraklion 2023.

Këto lojëra fillojnë nga data 9 deri më 16 shtator 2023 mbahen në qytetin Heraklion të Greqisë, shkruan Komiteti Olimpik i Kosovës, transmeton Arbresh.info.

Sportistët vijnë nga sportet e volejbollit në rërë, basketbollit 3×3, hendbollit në rërë, not në ujëra të hapura dhe karate në rërë.

Hendbolli në rërë, basketbolli 3×3 dhe karate në rërë përfaqësojnë për herë të parë vendin tonë në një ngjarje të tillë.


Hendbolli merr pjesë me ekipin e meshkujve, ndërsa basketbolli 3×3 dhe volejbolli në rërë në të dyja konkurrencat.

Dy notarët do të garojnë në disiplinën 5 km në ujëra të hapura, ndërsa dy karateistët në disiplinën kata individuale.

Krahas sportistëve dhe trajnerëve, vollejbolli përfaqësohet edhe me gjyqtarin Valon Mustafa.

Kosova për herë të parë u përfaqësua në LMR Patras 2019.

Shpërndaje në rrjete sociale

Lajmet më të lexuara

Të ngjashme

Foto lajm